Dicht be de Lüue ehr Hart!

Dat Beste ut över 65 Johre: "Dat kannst mi glöwen!"

 

De Andachtenriege „Dat kannst mi glöwen!“ giff dat all siet den 1. Advent 1953 bi ´n NDR, domaols noch Nordwestdüütsche Rundfunk.
Domaols was glieks klor, dat Plattdüütsch to dat Programm in ´t Radio hörde. Un et was uk klor, dat Kark up Platt d´rbihörde. Evangelske un kathoolske Theologen schriewet siet domaols Wäke för Wäke nu all över 65 Johre Andachten in de verscheeden plattdüütschen Mundaorten.

Siet 1985 is uk all Heinrich Siefer, Dozent an de Kathoolsken Akademie Stapelfeld, mit d´rbi. He is uk för ´t redaktionell Bearbeiten van de Texten van de Spreekers för ´n NDR tostännig. An dissen Abend wedd he ut all de veelen Johre un de veelen verscheeden Spreeker ein poor van de Besten rutsöken un vördrägen, uk van Schrieverslüüd, de dor all lange nich mehr mit bi sünd. Kaomt her un lustert eis maol to!

Zur Kursbeschreibung und Anmeldung, klicken Sie bitte hier!